الفريق كامل الوزير للكاتب الصحفي كمال ريان .. عايز أجيبك العاصمة الإدارية بالمونوريل بدل ماتيجي بعربيتك
حوار باسم دار بين الفريق كامل الوزير نائب رئيس الوزراء للتنمية الصناعية وزير الصناعة والنقل خلال المؤتمر الصحفي الذي عقده بعد الاجتماع الأسبوعي لمجلس الوزراء
بدأ الحوار عندما سأل الفريق كامل الوزير الصحفي كمال ريان عن كيفية وصوله، من منزله للعاصمة الادارية فأجاب ريان “جيت بعربيتي الخاصة “؛ ليرد الفريق كامل الوزير قائلا:« يبقى أنا فشلت لازم أجيبك العاصمة هنا بـ الـlrt والمونوريل».
وشرح خلال المؤتمر للصحفي كيفية وصوله إلى العاصمة الإدارية، قائلا: «لو أنت في شبرا أو حلوان هتيجي بالمترو وتغير تركب الـ lrt من عدلي منصور لغاية هنا، أو تركب المونوريل من أي مكان من أول أكتوبر والمهندسين لغاية ستاد القاهرة ومن القاهرة الجديدة إلى هنا».
وأوضح أن هذا سيساهم في توفير العملة، من خلال توفير تكلفة استخدام بنزين السيارة الخاصة واستبدالها بوسائل النقل الجماعي، قائلا: «هذا ما يوازي في الصناعة توفير العملة هتقول لي توفير عملة إزاي؛ لأن أنت بتوفر العربية اللي بتيجي بها لوحدك وتركب المترو وتوفر البنزين اللي بتحطه في العربية، علشان تجيبك لوحدك، وهتركب المترو كل ده توفير العملة اللي أنت بتنادي به».
واختتم حديثه مازحا مع الصحفي، ناصحا إياه: «سيبك من عربيتك من بكرا وتعالى في المترو».
